周末狂想：明仔趕完 PROJECT 推薦嘅劇集PICK

尋晚我地成班明仔埋書趕到凌晨 3 點幾先收工，眨下眼又到周末梗係攰一攰都要煲返個劇先啦，唔係會蝕咗個 WEEKEND 嘛。又睇下我地明仔想煲啲劇你地又點睇先。

#ALEX 明仔癖：

表面時裝內裡毒宅嘅我，今個 WEEKEND 就會睇 MARVEL 宇宙入面首部電視劇集《WANDAVISION》，先唔好問香港未有 DISNEY+ 咁可以點睇到先，由《復仇者聯盟4：終局之戰》之後故事會點又未知，呢套《WANDAVISION》應該俾到少少 HINTS 大家。大家都知 VISION 已經被 THANOS 殺死，就算彈指之後都無復活過來，所以好多人都估《WANDAVISION》就係將漫畫中因為 WANDA 失去至愛拒絕接受現實，而利用能力將世界改變成 HOUSE OF M 世界嘅故事。

好多睇咗頭兩集嘅朋友都話唔明做咩，事關今次劇集向美國 5、60年代嘅 SITCOM 致敬，唔少爛 GAG 都要諗下先勉強笑得出。同埋頭兩集就咁睇好似好悶，實情已經有好多劇情暗示於其中，包括有一把聲由收音機叫 WANDA 嘅情節，仲有疑似S.W.O.R.D（天劍局）人員現身，更有說法話隔離屋 AGNES 就係漫畫令讓WANDA 正式變成SCARLET WITCH 嘅老師 AGNES HARKNESS。ANYWAY，我自己都唔知劇情會點，睇埋今晚第三集應該會知多少少。

#CHERIE 明仔癖：

今個星期的週末狂想是PICK一個適合趕完 PROJECT ，可以放鬆心情的劇集或電影，不知道其他明仔有何明智之選，但本明仔趕完工便不想再操勞腦袋，亦無力追些燒腦又有深度的電影，如果你和我一樣我話，我推薦在 NETFLIX 重溫周星馳的《國產凌凌漆》，仲嫌唔夠減壓的話，誠意推介 NETFLIX 的《家有壁爐》。無錯，就是那個瘋狂在燒柴的《家有壁爐》（FIRE PLACE FOR YOUR HOME），還有另外兩集的《家有壁爐 4K 經典版》及《家有壁爐 4K 樺木版》，毋須燒腦，只須燒柴，畀你望住火爐燒足一小時，要咩配樂任君選擇。

順帶一提，原來這個看似無聊的節目製作極為認真。據說節目成本要成 3.5 萬美元，需時更長達 2 年。由於拍攝時要完美收錄柴木燃燒的聲音、搖曳的火光、火焰顏色，連揀柴都很花時間。既然趕完工，天氣又凍又無街好去，不如同摰愛一齊里係被竇、聊聊天，睇睇《家有壁爐》已經好幸福了。

#CURTIS 明仔癖：

你唔係未睇啊嘛？(๑•̀ω•́)ノ

《天竺鼠車車》是29歲日本導演見里朝希的作品。他之前已經製作過《CANDY.ZIP》和《我的小羊》等題材有點DARK的STOP MOTION動畫，今次《天竺鼠車車》則走輕鬆日常路線，甫推出已俘虜很多觀眾。期待接下來的8話。有別於《THOMAS & FRIENDS》、《CARS》那種「汽車擬人化」，原來「動物擬車化」是那麼討喜。

#EELY 明仔癖：

今期要來同大家講講趕完 PROJECT 之後的好劇推薦，雖然一般人忙完成日（趕 PROJECT 多數是好幾日），通常都會想用「無腦劇」又或是喜劇來放鬆下攰到傻的大腦。但無奈本人真的不愛「無腦劇」和喜劇，加上有輕微自虐心態，偏愛燒腦、懸疑和血腥內容，所以推薦同我一樣口味的人可以去看看《PEAKY BLINDERS》（浴血黑幫）。

《PEAKY BLINDERS》是一部犯罪電視劇，以第一次世界大戰後的英國為背景，講述黑帮家族 PEAKY BLINDERS （剃刀黨）如何在 BIRMINGHAM 地區逐步擴展自己的幫派勢力。英國舊時代的穿著、全員一口好聽的英式發音，再加上超級型的男主角 CILLIAN MURPHY ，要我通宵追都完全無問題！