攝影師這個工作講求眼明手快、理性細心，傳統普遍由男性主導；美術指導就需要獨特前衞的眼光和細膩的審美能力，相對較多女性擔任。RENEE 和 SAMUEL 這對鬼馬情侶卻扭轉了最刻板的職業性別定型，由女生掌鏡、男生做佈置，這種罕有的角色設計反而讓他們建立了一種別樹一格的嶄新角度，共同合作的作品亦予人新鮮的衝撃感。
「每人有兩隻耳一把口，從生物結構上，就是要我哋聆聽別人的聲音。」想法多多的 SAMUEL 覺得兩個人一起生活和工作就像一杯「鴛鴦」一樣，既有奶茶香，又有咖啡的獨特性，就是最好的火花。緊密的合作雖然讓他們會產生磨擦和矛盾，但彼此給予的動力和靈感，亦同樣帶領雙方一起向前。
火花對於一個創作人嘅意義就好似搵到—個新門口，一樣令到平凡嘅作品顯得格外不同。
Art director
先介紹一下自己吧！
RENEE NEOH： 我叫RENEE，係一位攝影師。MIX MEDIA ARTIST。
SAMUEL CHOI：我叫SAMUEL，我嘅職業係一名ART DIRECTOR，我主要係做SET DESIGN，做 DIGITAL 同 3D 嘅 INSTALLATION。
那可以為我介紹一下對方嗎？
RENEE NEOH：可以叫佢阿苗，一個笑死又激死我，同 SIZE 上只大過我幾個 % 嘅人……
SAMUEL CHOI：佢叫 RENEE，佢係一個攝影師同時都係一個 CREATIVE DIRECTOR，佢嘅創作唔單止局限於攝影，仲有其他不同類型嘅創作，只要好玩同有趣佢就會全力以赴。
可以分享一下和對方是怎樣認識嗎？
RENEE NEOH：以前公司認識
SAMUEL CHOI：我之前在 HYPEBEAST CREATIVE TEAM 中認識大家
你們現在是以怎樣的形式合作？
RENEE NEOH：我們所有事情都會在一起，工作，生活。我覺得學懂怎樣一起生活，相處，容納對方，其他事就會有默契了。
SAMUEL CHOI：每次有新項目，我哋都會各自搵資料，整合再加以融合。過程就好似鴛鴦一樣，會有奶茶嘅香味，又保留咖啡的獨特性。我哋相信每個人都有盲點，而每人有兩隻耳一把口的原因，就是要我哋聆聽別人的聲音。
比起一個人工作，你覺得二人合作的過程中最值得珍惜的是什麼？
RENEE NEOH：動力！當有一個想法時，自己一個可能不能好全面去與之實行，但兩個人的動力會大很多。互相推動大家，有時他在學新事物，會令我好奇，我亦會想學新事物同佢分享。
SAMUEL CHOI：最珍惜嘅係，我哋彼此信任大家嘅能力、節奏。更難能可貴嘅係我哋唔會互相計較付出多或少。
你們在合作的期間會遇到矛盾嗎？會怎樣解決？
RENEE NEOH：有意見不合時，會有一方退讓，因為會想另一個有可能是對的, 堅持總有理由。
SAMUEL CHOI： 當然有啦，創作呢樣嘢咁主觀，通常我哋都會各自消化後就會知道大家嘅觀點是什麼。
有過那一次的合作經歷，讓你在日後想起覺得相當珍貴？
RENEE NEOH： 一起到歐洲，跑FASHION WEEK。
SAMUEL CHOI： 有一次我哋喺法國拍 FASHION WEEKS 嘅時候，因為資源有限，我哋諗盡晒所有方法，最後研究到一個合體拍攝手法拍到想要嘅效果，是次經歷我發覺當二人有共同目標時，力量就會變得好大。
對你而言，「火花」的意思和意義是什麼？
RENEE NEOH： 互相欣賞，自己亦想全力以赴，投入一起做一件事。
SAMUEL CHOI： 我覺得火花嘅意思係兩個不同嘅物質，向着同一個方向相撞從而產生另外一個新物質。我覺得火花對於一個創作人來說就好似一個新門口，令到平凡嘅作品顯得格外不同。
你最欣賞對方的又是什麼？
RENEE NEOH： 耐性、創意、恆心。
SAMUEL CHOI：最欣賞佢係一個好聰明而且好勤力，會為自己嘅想法而全力以赴，佢令我體會到，當人搵到自己嘅興趣就唔會孤獨。
講起最好的組合，有人認為「一凹一凸」最好；有人則認為應該「同類相吸」，你又覺得怎樣才能稱得上最佳拍檔？
RENEE NEOH：拍檔應該互補，互相撐住，絕對有一凹一凸、一退一讓元素。特別做 PROJECT 時不知如何實行，SAMUEL 比較有想法，也有時會是他有概念，我會想到如何實行。
SAMUEL CHOI：我覺得係要睇情況同性格，我覺得最好嘅拍檔就係了解到你幾時會凹幾時會凸，幾時應該係均等嘅力量。
八卦一下你們最近一次的爭吵是為了什麼？
RENEE NEOH： 最近一次……應該是因為工作太累爭吵——其實都不記得吵什麼，就只是太累，互相放負。
SAMUEL CHOI：最近我哋要處理嘅事牽涉嘅技術都比較複雜，加上雙方有各有自堅持嘅節奏和畫面，中間會因為壓力而說氣話，但大家都係想力求完美。最後成品亦都得到好好嘅評價，感到呢個努力係值得，而磨擦亦都係一個好好嘅經驗。
那最近一次感謝對方又是為了什麼？
RENEE NEOH：昨天。
SAMUEL CHOI：早半個鐘前 HAHA。
works
works
RELATED ARTICLES:
Comments