與其相信希望是可以燃點，或走去相信IG上面那些勁扮正面的金石良言真係係你條苦女命中用 得著的話，倒不如落實行動，咬牙切齒盡力去做，即使最後唔得，也會問心無愧。
電影《阿飛正傳》裡頭的超仔(劉德華飾)曾經講過 :「做人...... 千祈唔好比較。」同人比， 到頭來只會讓口中的葡萄更酸，辛苦的就只是自己不是人地，做好自己就算啦。
帶眼識人不在話下，仲要環顧四周小心翼翼地識得分邊個係人邊個係鬼，因為唔識的話蝕底嗰 個會係你，受傷的嗰個又會係你，同埋俾人係笑蠢豬西的嗰個都會係你。
喺呢個鬼多過人的地方，傷你的呃你的利用你的揾你做嘢又走你數的大有人在，當你上當後 不要太過怪責自己，學會去珍惜真正GET到你同無條件愛你的人
空虛或空洞，係你用盡九牛二虎之力也填補不來的，唯一能夠做， 就係俾心機在惡洞的周邊下種子，
原來含血噴人生安白造四圍去抽人水明明移了民仲要喺 YOUTUBE 上面死講爛講香港嘢的， 會有好多人走去聽走去 LIKE 走去信。
病從口入，禍從口出，但係有嗰句講嗰句，卻會把你變成罪人。
曾經是如珠如寶的，也總會有一文不值的一日......
