自網絡世代興起，「有錢就是任性」呢句嘢一直有唔同名人親身演繹做例子，而歐美最佳代表當然係 Kardashian 家族。繼上月Kim為自己的化妝品系列宣傳得如火如荼，今勻輪到妹妹 Kylie Jenner 發功，趁自己今個月生日來一個新系列，不過今鋪 Kylie 係任性定有計劃？筆者相信是後者。
其實 Kylie Jenner 都唔係第一年出生日系列，2016 年時其自家品牌就推出含有黃金成份的唇膏，仲限定喺生日前（10號）一星期發售，十分搶手；嚟到今年，Kylie 今次唔再淨係玩唇，而是推而廣之玩出 mini collection ── 書本設計迷你眼妝及胭脂組合、兩色碎粉、唇彩系列同化妝掃等應有盡有，成個系列都用粉紅色包裝，非常夢幻。
recommended readings
上年的黑金生日系列包裝比今年望落更成熟。
睇到呢度，真的不得不讚 Kylie 嘅商業頭腦，皆因佢除咗連自己生日變成商品，基本上佢每季平均都會推出兩至三個新系列，淨係玩 nude tone 都已經變出好多唔同花臣；怪不得單係 2016 年，佢賬面已經有 1,800 萬美金（約港幣1億4000萬）進賬，成為除了 Kim 以外，眾姊妹之冠！根據上年經驗，呢個標價 195 美金（約港幣1,521）的生日系列喺開售五分鐘已經搶購一空，今年呢嘅期間限定系列又會為 Kylie 帶來幾多收入？Let’s see。
Comments