12 蚊店好多時俾人感覺係產品唔襟用、質素參差仲有少少呃錢 FEEL，但其實只要識得揀，12 蚊店都有唔少又平又好用嘅產品，係真真正正嘅窮人恩物。今次就等我地呢班貼地到爆嘅明仔，推介一下 12 蚊店嘅恩物！
明仔有咩癖好？今個禮拜 PICK 咩好？
#ALEX 明仔癖
宅到爆嘅明仔最鍾意行 12 蚊店，貪果度你諗到嘅嘢佢有，你諗唔到嘅嘢佢地都會有，而且只需要 12 蚊，就算買完無用都唔肉痛嘛。明仔平時最常去 12 蚊店係買佢地啲意粉醬，煮完意粉落一包再煮就係。
浴室除霉噴劑
但要推介嘅恩物唔係意粉醬，而係浴室除霉噴劑！平時嗜好洗浴室嘅明仔，最鍾意見到磁磚霉菌噴完除霉噴劑之後，一沖水無哂果下感覺，加上漂白水好乾淨嘅味道，係明仔周末減壓活動之一。
YOU MAY ALSO LIKE…
#CHERIE 明仔癖
翻版 KATE 眉粉，細個無錢又貪靚 $12 好多化妝品都會成為實驗的對象，$12店的眉粉「UR GLAM」非常抵買，是日本DAISO自家推出的彩妝品牌，佢無論包裝定顏色都同 KATE 的三色眉粉好似。不過粉質方面，UR GLAM 當然比較鬆散，持久力亦很一般，不過 12 蚊貨仔嚟講，CP 值都頗高，所以亦經常缺貨。
YOU MAY ALSO LIKE…
#ELLY 明仔癖
去毛粒機
天氣一轉涼就差唔多係時候要著冷衫啦，但係件衫一拎出黎起晒毛粒甘就真係唔太想著。不如快快手去樓下 12 蚊店買個去毛粒機，係件衫上面推一推就搞掂，即刻擁有一件新冷衫， CP 值超高！
Comments