上班族遇到同事離職是常事，正所謂「天下無不散之筵席」，而香港就有散水餅文化，於離職當日為各同事送上一份餅點。其實點解會有散水餅呢？翻查紀錄原來「散水」係同古時建築上疏通水分有關，輾轉成為今天走人散水嘅意思，亞洲其他國家都有相似文化，也是對同事的尊重。
明仔有咩癖好？今個禮拜 PICK 咩好？
#ALEX 明仔癖
明仔自己沒有試過派很多次散水餅，事關後來發現其實沒有太大需要，但禮多人不怪，如果大家喜歡都可以繼續派散水餅。
MILK TOP 北海道 3.7 牛奶雪糕
明仔後來自己演變將散水餅變為散水 LUNCH，等大家可以聚首一堂食一餐飯，而最後一次送散水餅亦非送餅，選擇咗自己最鍾意食嘅雪糕，等大家可以開心下。
YOU MAY ALSO LIKE…
#CHERIE 明仔癖
MILLE MELE TOKYO 蘋果批
對甜品品牌沒有太多見解，但如果散水的話，我會想買（想食）「世界第一蘋果批」MILLE MELE TOKYO。MILLE MELE TOKYO 的蘋果批被稱為日本東京人氣 NO.1，獲獎無數，2020 年年初先係香港開店，最近係各區插旗。MILLE MELE TOKYO 蘋果批造法跟足日本，現場新鮮即焗，酥脆批皮包住富士蘋果、芝士豆乳忌廉同吉士醬，一經過舖頭就聞到香噴噴，拎上手又熱辣辣，咦諗諗下，如果散水買又會唔會好唔方便呢？
YOU MAY ALSO LIKE…
#CURTIS 明仔癖
山楂餅
一人一塊。
YOU MAY ALSO LIKE…
#EELY 明仔癖
COOKIE DPT
作為「餅」派的明仔，散水餅就一定揀反曲奇餅。之前一直都好想試試 COOKIE DPT 嘅餅，成日係 IG 見到佢地嘅曲奇餅超足料，又有流心餡，而且仲經常有期間限定嘅特別口味，感覺好吸引！加上可以一次過買好幾款味俾大家揀，咩口味嘅人都可以照顧到。
YOU MAY ALSO LIKE…
#FAI 明仔癖
二寶果汁軟糖
求其送粒糖啦，唔好破費！因為都只係一個心意，重點都係借派散水糖作機會，同老友鬼鬼嘅同事們講多兩嘴啫～你嘅心意大家都會感受到。講多少少，唔啱傾嘅話，粒糖都慳返，唔請你食散水拳都偷笑。
Comments