周末狂想：奧斯卡 2021 明仔心水 PICK

今個星期明仔想同大家分享一下年度大事－奧斯卡！今年奧斯卡同以往唔同嘅係，第一次俾串流電影參賽，同埋每年都被垢病入圍唔夠多元，今年多元到香港代表電影係《少年的你》（笑），你話係咪值得支持下？

#ALEX 明仔癖

好鍾意好鍾意睇戲嘅明仔，每年都會坐定定睇奧斯卡直播，頒獎前夕會盡量睇入圍電影，當然好難所有戲都睇哂啦，通常十套都有一半香港未上，上咗又唔代表有時間睇到，戲院都係啱啱開返，睇得幾多套？今年明仔就私心一套香港啱啱先正式上嘅《農情家園》（MINARI）。

明仔近年都偏好睇韓國戲，有好多題材獨特，又未去到日本 CULT 片咁CULT嘅佳作，描寫社會階級同暴力美學更係韓片拿手好戲。《農情家園》係少有由韓國導演編劇兼執導嘅美國片，最大亮點係戲骨尹汝貞同 WALKING DEAD 靚仔 STEVEN YEUN，淨係睇尹汝貞已經值回票價，唔識佢？！返去睇睇《下女》同《錢·慾·劫》，再比較下佢平時拍韓劇同《尹食堂》，你就知道佢做戲有幾掂。

#CHERIS 明仔癖

《浪跡天地》是今年奧斯卡呼聲最高的作品之一，38 歲華人女導演趙婷問鼎多項提名，更刷新了華裔女導演在歐美影壇的地位，就憑這個來勢洶洶的頭涵已值得一看。撇除這一點外，導演與 60 多歲的女演員 FRANCES MCDORMAND 穿越美國 7 州，每天與游牧族一起工作、生活，作品充滿詩意、沉穩寫實。他們在訪問中分享拍攝經歷：「游牧族必須認識我，才能安心讓我拍攝。我不會高高站在山丘上使用長焦鏡頭，而是從裡到外敘述故事。」整隊 CREW 沒有取巧的餘地，補捉了最真實唯美的故事，讓觀眾親歷其中。

而趙婷的攝影師兼男友 JOSHUA JAMES RICHARDS，亦是兩次獲電影獨立精神獎提名的猛將，這對最有默契的情侶檔經歷接近半年的游牧人生，陪伴對方探索美國西部廣闊的景致，如此浪漫的故事，也可算得上是 SIDE-STORY 吧。

#CURTIS 明仔癖

曾國祥執導《少年的你》獲得最佳國際電影提名！但TVB第一次唔播奧斯卡，咁獎門人仲有無得睇
奧斯卡太危險，我就唔會睇，睇開心大綜藝最開心。

YOU MAY ALSO LIKE…

#EELY明仔癖

每年睇 OSCARS 嘅提名名單，明仔我第一時間一定會碌落去睇動畫個欄，然後今年見到呢部入圍「最佳動畫長片」嘅《 ½ 的魔法》（ONWARD）就好岩我心水啦！
一對精靈兄弟收到死去嘅爸爸遺留落黎嘅魔杖同魔咒，諗住可以令爸爸起死回生，點知中間出現左差錯，令爸爸淨係復活左一對腿…… （所以點解叫 ½ 魔法）然後呢兩人加一對腳就踏上左搵魔法石，幫爸爸完全復活嘅旅途。

個人黎講，成部電影有笑有淚。兩兄弟一個衝動大膽；一個就咩都驚一餐，所以兩個人係旅途中嘅碰撞都幾好笑。後來望到佢兩個互相支持，行過好多難關就會好感動（眼淺的明仔是我），是一部唔錯嘅勵志動畫。

YOU MAY ALSO LIKE…

#FAI 明仔癖

迪士尼與 PIXAR 最新力作《靈魂奇遇記》（SOUL）叫好叫座，繼《玩轉腦朋友》（INSIDE OUT）之後，又是一套必睇的「大人卡通片」。筆者當時看的是粵語版本，由鄭中基和王菀之聲演，生動鬼馬，劇情就不多說了，但其創新意念及夢幻的動畫與音樂，讓人內心的悸動久久未能平息，非常暖溫窩心。探討人生意義的電影看多了都是老生常談，但像 SOUL 這種溫暖柔軟的作品，反而激盪起內心最澎湃的情緒。