對於子華神的經典語錄，編者一向喜歡儲起來「趷」下身邊朋友，編者好衰咩？「係咁架啦！好出奇啊？」對於不斷loop子華金句的事，實在不亦樂乎！但有些關於扮靚的金句，作為小小美編的我要為「扮靚」這事情平反！「靚就唔洗扮、扮就唔謊靚？」Nonono，扮靚這事兒是女生的一大專利，愛美更是天性！對於那些和子華神合作過的女星，化妝和喬妝都不是一個適合的形容詞，「美」妝才是！
Do姐鄭裕玲 （男親女愛Miss Mo）
提起子華神的女partner，當然會想起Do姐鄭裕玲，大概只有機靈的她才可以跟子華妙問妙答，搞笑得黎又好有sense。當中余樂天（子華）的毒舌亂嗡形象配上霸氣外露的Miss Mo真係剛剛好！提起Miss Mo，當年她以一頭直長髮視人，配上一行幼眉和大紅唇，mean mean地得黎又好鬼smart，個妝完全中晒霸氣超醒的OL感覺，但卻換來余樂天的一句「個樣眉精眼企，諗野獨沽一味！」18年後的DoDo褪去了當年的青澀，成為了今日百厭星農夫口中落落大方的”did did”姐！至於do姐最著重的護膚秘訣就是防曬，保護好頸部同手部的皮膚，免受紫外光照射出現皺紋！
蔡少芬 （棟篤神探李慧慧）
棟篤神探大概是很多人心中的經典，哮喘啊sir莫作棟配上保險經紀李慧慧成件事真係好烏龍啊！「一般女人嘅美貌好多時會為佢帶嚟一啲麻煩；一個頂級嘅紅顏，當然會為大家帶嚟頂唔順嘅麻煩。」睇黎頂級紅顏蔡少芬為莫sir帶來了很多麻煩吧！劇中蔡少芬以一頭短髮和一行看起來好mean的幼眉演活一個巴辣的保險經紀，剛強的她配上柔弱多病的莫sir真係啱啱好可以保護到這個失暈神探！至於蔡少芬來到今日依然成為大家心中認證的女神，她的保養秘訣在於蜜糖，不單自製蜜糖面膜，每天早上更會空肚飲蜜糖水排走毒素！
佘詩曼 （絕代商驕林淼淼）
不要以為子華神出演的就一定是搞笑劇，這可是以搞笑方式包裝的營商知識！麥提爽（子華）同林淼淼講既一句「感情呢家野，你預咗係唔ok既，你就ok」其實唔只點醒淼淼，更多係同電視機前既我地講。當年的佘詩曼以長髮視人，一行平眉和橙紅tone胭脂演活「收數妹」的貼地形象，有別佘詩曼一貫的短髮型格style。10年後依舊keep得好好的「釘姐」佘詩曼最著重潔面程序，做好落妝步驟，最緊要係記得搽eye cream！
Comments