當了造型師助手三年 某某攝影師：有得走快走 我從沒見過有助手升做Stylist的！

有人說，時裝產業「識人好過識字」。聽畢後叫人無言，一方面不想認同此等膚淺說法，另一方面又好像真的不乏此等「識人不識字」的例子…直至筆者想起了「助手」這項職業。
 
有意入行但人脈欠奉，當「助手」往往是唯一方案。筆者都曾經當過助手，不過路上遇得貴人多，目前為止還可稱作一帆風順。但是行內其他助手，就未必有相同下場。剛巧在某Event遇到當時同樣是助手的朋友，今天已是freelance stylist，便藉機會與她作個簡短訪問，從中了解「助手」「進化」成造型師的經過。

（為了保障當事人，受訪者依舊以匿名身份作答。）

當初當「助手」的原因？

 
初初當助手時，我只不過是位時裝學生。不過一次看到有Stylist在Facebook聘請助手，覺得幾有趣，又鐘意果位Stylist的風格，所以便膽粗粗inbox了她，然後面試都沒有，翌日就去了幫她shooting了。

當「助手」了多久？

 
就是那個shooting開始（上述），我便幫了那位Stylist 3年左右。由No pay到了每次有$500人工，那位Stylist亦從「唔係好賺錢」到了自立門戶的境界。有時阿，我覺得「助手」真是more than assistance，反而是「陪我長大」啲friend。

當「助手」有什麼Do’s & Don’ts？

 
我覺得…人地請個assistant就是要來assist她阿！以Styling assistant來說，職責很簡單，就是不要製造麻煩，make sure個shooting係順利嘅。千萬不要弄失和弄污衣服，pack samples時千萬不要pack錯brand，要細心，帶好打底衫、衣夾、膠紙、襪…總之有可能用到嘅野都要帶！對街外人要有禮貌，前一晚要print stylist 比你嘅reference，做野要早到！雖然助手比人一種只係打雜同燙衫嘅印象…但都要比人一種專業嘅感覺！

當「助手」最重要的是什麼？

 
心態好重要，唔可以當「助手」係一份工，要當佢係一個lecture，一個活生生一對一嘅課堂，要有學習嘅心態先可以benefit到。如果只係當打份工，又賺唔到錢，又唔會有職升嘅，只會浪費時間。

最開心/ 不開心的經歷？

 
最開心：跟Shooting跟到去歐洲，有得去埋fashion week同係巴黎影Fashion editorial；外國model同香港暫時有一定距離，外國攝影師好有vision，唔駛下下都出盡奶力，雖然oversea shooting其實都麻煩，但係有得見識下外國人點做野，已值回票價。
 
最唔開心：唔知係自己「崩口人忌崩口碗」定點，聽過好多好多難聽說話…
 
例如：「助手啊？姐係唔係『真正嘅Stylist』喇！」等等…都試過比人當做「狗」咁跑來跑去（重語氣左啲，哈哈），不過我係助手啊嘛！食物鏈最底層，係要捱的了。

如何由助手轉成自由造型師？

 
這個過程，說來話長，講起都有啲眼濕濕。我長話短說喇！果陣做到第三年，係我瓶頸位，因為畢業了，助手人工其實唔夠食，家人要我養，但除左助手，又無工請我…生活同現實好難平衡。點知有一次Shooting，有一位攝影師問我近況（我跟Stylist，所以次次攝影師都唔同），然後簡單交代後，佢好認真咁同我講：有得走便走吧，我從來沒有見過有Assistant能升做Stylist的！
 
呢番說話整醒左我，之後好大膽咁裸辭！然後周圍問人要唔要Stylist，點知之前合作過嘅單位又咁大膽比個機會我！（當個『專業』的助手是有用的！）就咁轉左做freelance stylist了…

有什麼當助手的tips？

 
做助手，最重要夠ideal，要dream big，唔好覺得自已好廢，一定要有大志。有大志，就有勇氣，有勇氣，就能成大事。做得助手唔會係為打份工，入得行就要對自己有要求！祝未入行的助手好運。