今個禮拜都係繼續睇緊奧運，而且愈睇愈緊張，今屆香港代表隊屢創佳績，明仔都與有榮焉，每日都準時睇直播。除咗香港隊奪獎時刻，準備迎來尾聲的東京奧運締造無數精彩時刻，明仔就對以下時刻留有最深印象。
明仔有咩癖好？今個禮拜 PICK 咩好？
#ALEX 明仔癖
今屆奧運談論度比起過往更高，當然最主要是因為香港隊的夢幻表現無形中為香港人打氣，証明堅持同努力係會有回報，會得到認同。而另外談論度高就涉及到政見問題，在此就不花唇舌描述，運動比賽應該集中於比賽中，而非運動以外的事宜。
乒乓女團金句教練李靜
精彩時刻有好多，但至今我覺得最精彩時刻，亦係有本土味道－乒乓女團金句教練李靜嘅一句「X你企中間喇」，一個「X」字係包含幾多種情緒同意思喺入面，粗口喺廣東話作為助語詞，不一定跟字面意思一樣粗俗（當然大家接受程度唔同），試諗下人在外地，喺外語中聽到有人講個「X」字，果種好似返到屋企嘅感覺，明仔喺外地就試過。今次教練李靜一個「X」，正如佢本人所言，作為激情嘅球員，唔使遮遮掩掩，發揮本性，其實都係運動精神，無拘無束先發揮到，你話係咪先。
YOU MAY ALSO LIKE…
#CHERIE 明仔癖
劉慕裳對空手道的熱情
今年多位香港運動員各自出彩，大破歷屆奧運紀錄，經歷了兩年難過的時間，這次的東奧氣氛為香港人帶來一點朝氣和凝聚力，講起精彩時刻，除了有份在大型商場為張家朗吶喊助威的晚上情緒相當高漲之外，亦為近日於劉慕裳勇奪史上首面空手道獎牌非常感動！除了因為劉慕裳是我大學師姐感到格外自豪之外（笑），據悉她自少學過彈琴、跳芭蕾舞、踢過足球，直到11歲開始學習空手道才一試愛上，而她參加今屆奧運前，亦一直參加高水平的國際賽事保持狀態，在其他人都在社交平台都分享吃喝玩樂之年歲，劉慕裳整個 INSTAGRAM 都是空手道的照片，可見她對此項運動的熱情和專注。
YOU MAY ALSO LIKE…
#CURTIS 明仔癖
🥊🐸
首次參加奧運的 20 歲日本羽量級拳擊手入江聖奈贏得金牌後稱，一點都不愛體育，大學畢業後就會退役。最喜歡是打機和青蛙，希望以此為就業方針。她很高興奧運金牌令她 TWITTER 上 FOLLOWERS 人數大增，有更多人可以告訴她哪裡可以看到青蛙。
「若能告知鳥取縣或東京都內的青蛙目擊情報，我會很高興。」
YOU MAY ALSO LIKE…
#EELY 明仔癖
滑板第一次正式成為奧運比賽項目，當然係今屆嘅焦點所在，亦都係滑板運動重要嘅里程碑！ 22 歲嘅日本板仔堀米雄斗係比賽前就已經係奪冠大熱人選，今次都眾望所歸攞到歷史上第一塊奧運滑板金牌。佢 6 歲開始接觸滑板，係個時就已經將滑板當作畢生嘅興趣，甚至中學一畢業就已經到美國訓練。堀米雄斗都經常係 IG 分享佢踩板嘅片，想睇就記得要 FOLLOW 埋佢嘅 IG （@YUTOHORIGOME）啦！
YOU MAY ALSO LIKE…
#FAI 明仔癖
出生於日本，細細個就到西班牙巴塞隆拿學法嘅 20 歲日本國腳久保建英連續四場都有入球，殺入四強戲劇性遇上西班牙。情況就同《足球小將》喺巴塞集訓過嘅戴志偉一樣，帶日本隊殺入奧運。
真人版足球小將
記者就喺日本隊迎戰西班牙之前問咗久保一條咁嘅問題：「下一場將會面對西班牙，對於西班牙長大嘅你會唔會有好大感受？」
久保聽完之後，語帶肯定就話：「其實自分組賽抽籤之後，我就已經覺得會喺準決賽遇到西班牙。我講過我會將每個對手打低，但面對住西班牙，我會交出150%的表現擊敗佢哋。」眼神充滿自信，十足漫畫入面嘅角色。
雖然最後差少少先可以還原《足球小將》，喺決賽迎戰巴西，但日本隊亦都喺四強交出好表現，只係喺加時賽惜敗。
Comments