由上個禮拜開始，明仔由開幕禮到今朝何詩蓓於 100 米自由泳項目再獲銀牌，都日以繼夜，夜以繼日咁追睇，激發起明仔心中嘅奧運夢！今年好開心滑板終於成為奧運比賽項目，但仲有好似壁球同桌球等等都仲未成為比賽項目，我地一班明仔就希望以下項目可以喺下屆奧運出現！
明仔有咩癖好？今個禮拜 PICK 咩好？
#ALEX 明仔癖
明仔甚少參與運動，耐力體能運動算是還可以，但一講到任何一樣球類運動，明仔都是不能，手腳顯然同腦部唔協調，好怕俾人見到，所以明仔只有靜雞雞哩埋玩下壁球。而喺明仔心目中，就有一項運動好想有朝一日會成為奧運比賽項目，就係捉－伊－人（CHASE TAG）！
大概兩年前喺 SOCIAL MEDIA 見到捉伊人世界賽（WORLD CHASE TAG）嘅片段，完全估唔到捉伊人可以咁認真同刺激，同我地細個玩嘅唔同，兩位選手要喺限定比賽範圍內，於佈滿障礙物嘅場地捉伊人，仲有 PARKOUR 元素喺入面，好難三言兩語解釋，睇下下面條片。香港更有國際認可嘅香港捉伊人總會，大家有興趣可以入會！
YOU MAY ALSO LIKE…
#CHERIE 明仔癖
細個玩過花式跳繩，當時香港剛開始流行呢樣仲係好冷門的運動，直至 2015 年跳繩正式被世界體育總會亞太區總部接納為會員，認可跳繩為體育項目。雖然大個之後無再玩過，但回想同隊員合作完成所有項目都係個很熱血和開心的回憶。其實香港係跳繩運動的表現一直都唔錯，唔少跳繩世錦賽、國際比賽的冠軍都係由香港人奪得，何柱霆、周永樂都係香港的優秀跳繩運動員。希望有一日奧運可以納入跳繩項目，推動埋香港所有體育同跳繩的發展。＞＜
YOU MAY ALSO LIKE…
#CURTIS 明仔癖
鬥無恥
😀。
YOU MAY ALSO LIKE…
#EELY 明仔癖
作為一位密室逃脫嘅忠實粉絲，明仔好希望可以睇到國際版嘅密室逃脫比賽，又可以考驗體能，又要食腦，仲好要求團隊合作，贏得到獎牌都一定係實至名歸！睇得刺激之餘仲可以逼大家一齊做下腦部運動，後天提升智力，我就覺得絕對諗得過啦！
韓國綜藝節目《大逃脫》
不過要點樣克服場地、比賽時長同語言嘅問題，呢層就拋返個波俾奧委會諗啦！
YOU MAY ALSO LIKE…
#FAI 明仔癖
身為球迷，眼見滑板已經打入奧運，當然都希望花式足球都可以。
其實花式足球有啲似體操項目，都需要設計一套精準而且高難度嘅花式動作，都有相當的體力需求，絕對唔係玩玩下。
而香港的花式足球運動員施寶盛喺國際亦都享負盛名，喺首位打入花式足球世界盃總決賽嘅香港人，而同樣係香港的花式足球運動員黎俊賢，亦都曾獲得 RED BULL STREET STYLE 花式足球世界錦標賽的參賽資格，再次證明香港人玩運動都可以好勁。
Comments