又到每星期同大家分享明仔的獨特 PICK 好，遇上難得嘅端午假期，好難唔講下明仔會趁著呢個難得嘅一日會點樣應一應節，你地又會食粽定扒龍舟呢？
明仔有咩癖好？今個禮拜 PICK 咩好？
#ALEX 明仔癖
端午節紀念春秋時代楚國大臣屈原，因為提出聯合齊國對抗秦國嘅建議被反對之餘，更被免職流放，後來秦軍攻破楚國，屈原眼見家鄉被侵略，心如刀割。所以於 5 月 5 日寫下遺作《懷沙》後，就抱石投江自盡。百姓被屈原的愛國情操感動，用竹葉包著糯米的飯糰投江給魚吃，希望魚不要吃屈原的屍體，自此就有端午節食粽嘅習俗。
鼠尾草 SAGE
但唔講唔知，古人稱 5 月為「毒月」，5 月 5 日就是毒月毒日，係古人最忌諱嘅日子，所以古人視端午為驅邪、瘟神嘅日子。明仔端午就會喺屋企用鼠尾草淨化家居，淨身淨宅，驅走負能量。先搵一個盤，將鼠尾草點燃然後吹熄，就會開始有淨化效果嘅煙，然後開始以逆時針行一圈，覺得較陰暗嘅角落可以留多一陣，而到最後可以將煙由頭頂開始薰一薰全身，淨化自己，然後好好靜下來冥想後，放鬆一下成個人，咁就最應節喇。
YOU MAY ALSO LIKE…
#CHERIE 明仔癖
APPLE WATCH SERIES 5
當初楚王沒有聽信屈原的諫言將屈原流放到邊境，後來楚王果真被殺，忠心的屈原抱石投江自盡，當地的百姓被屈原的愛國情操所感動，所先出現了端午節。但我覺得屈原實在不應該咁樣了斷生命，於是我今次會 PICK APPLE WATCH SERIES 5 畀佢同自己，除了防水外，電池續航力高達 18 小時，並附有國際緊急呼叫、指南針、航向、緯度、經度、當前高度、傾斜度、心率和分貝等檢測功能，希望落水後亦有個機會 SOS。
YOU MAY ALSO LIKE…
#CURTIS 明仔癖
魚魚快來吃膠膠
端午節買糉子外賣吃，用多點即棄餐具，製造多點海洋垃圾，把魚魚吃死牠們就不會吃屈原呢😊。
YOU MAY ALSO LIKE…
#EELY 明仔癖
唔知有冇人同明仔一樣，由細到大都比較中意白粽點糖食？
話說明仔屋企每年端午節都有鹹肉粽同白粽兩種粽可以揀，我就每次都揀白粽，然後點白砂糖同紅糖一齊食，食落一啲都唔油，好似食緊甜品甘（不過係有啲飽嘅甜品）。
應節活動：
食粽，白粽點糖食
呢種白粽同香港常見的鹼水粽又唔一樣，鹼水粽係用鹼水浸過嘅糯米整成嘅，出嚟偏金黃色，本身已經帶有甜味；而白粽就冇用鹼水浸過，直接用糯米整成。好推薦食厭左鹹肉粽的大家去試一試白粽點糖食，有啲人仲會點蜜糖食添！
YOU MAY ALSO LIKE…
#FAI 明仔癖
農歷五月嘅端午節，原來自古以來同廿四節氣嘅「夏至」非常接近，後來慢慢演變到一併慶祝；代表住端午就係夏天嘅開始，係時候玩水。明仔最近迷上咗 WAKESURF，然而拍低一條有型嘅 WAKESURF 片似乎已經比起 WAKESURF 本身更加重要了。為咗事半功倍，一身貌似高手嘅打扮就適合不過。
明仔留意到 IG 上面一啲 WAKESURF 好犀利嘅朋友，通常都會戴住一頂 CAP 帽落水。明仔就打算推薦大家買 DIME 嘅 CAP 帽，呢個滑板牌子嘅產品深受吳赫、VIRGIL ABLOH 嘅愛戴；而且 DIME 嘅帽身比起其他牌子淺、所以戴起上嚟就會顯得比較精神一啲。 而喺香港，明仔只係見到 8 FIVE 2 有 CARRY 到 DIME，有興趣嘅明仔可以去新開嘅旺角店留意下。
Comments