「你對上一次喊係幾時？」明仔 OT 最鍾意隨意問問題，突然問到上次喊係幾時，發現通常都係因為睇戲而喊。每人爆喊嘅點都唔同，但每人心入面都有一部令人爆喊嘅電影，大家又會因為睇咩電影而喊到癲呢？
明仔有咩癖好？今個禮拜 PICK 咩好？
#ALEX 明仔癖
明仔出名冷血唔會喊，但都有一兩套電影會令自己喊（但又未喊到癲）。有套戲未睇，亦唔知有無機會睇到，但肯定會睇到喊，就係周冠威導演最新作品《________》。明仔自己未睇又推薦好似唔係好啱，所以都係推薦返一套睇親都喊嘅《讀愛》（THE READER）。
《讀愛》（THE READER）
好多人對 KATE WINSLET 嘅印象都係停留咗喺《TITANIC》，但其實 KATE WINSLET 有好多套劇情同演技都超水準嘅作品，而明仔最愛嘅《讀愛》就係令佢獲得奧斯卡最佳女主角嘅作品。故事唔講太多，但當中兩位主角嘅愛恨，到最後男主角無力帶著罪疚感再見到女主角後嘅後悔，觸動人心。真係，明仔睇三次喊足三次，可想而知對冷血嘅明仔嚟講呢套係有幾咁勁？
YOU MAY ALSO LIKE…
#CHERIE 明仔癖
《甜味人間》是日本導演河瀨直美的作品，故事聚焦於日本城鎮裡三個微不足道的人物：是患了痲瘋病的婆婆德江、欠下債務的銅鑼燒店主太郎，以及正於迷惘時期的中學生若菜。一個對生活絕望，意志消沉的銅鑼燒店主遇上了對甜品製作充滿熱情的婆婆，日夜專注的製作，逐漸為他的生活帶來新的覺悟。活著的痛苦與無奈；活著的意義和熱情，人和人的生命有時好像錯配了靈魂，卻在生命路上影響對方。聽起來就是「生命影響生命」的狗血劇情，但《甜味人間》在音樂、環境和人物的描寫既淡然而細緻，看著就似羽毛一直撫掃著心臟之隙，眼淚在毫無防備下失守，「一個被厭棄隔絕的人，將一個自我隔絕的人帶回人間」的故事為生命的熱情重新定義，全片的氣氛在銅鑼燒和櫻花美景的甜美意景中，突出了生命的濃苦，消化過後，苦中有甜。
《甜味人間》
YOU MAY ALSO LIKE…
#CURTIS 明仔癖
IN THE VIDEO MARINA ABRAMOVIĆ KEPT EATING THE ONION, KEPT CRYING, AND SHE KEPT DEVOURING THE ONION NONETHELESS.
SHE AND THE ONION MADE ME CRY.
“I WANT NOT TO WANT ANYMORE. ”
THE ONION | 1996 | 20MIN
YOU MAY ALSO LIKE…
#EELY 明仔癖
明仔喊點極低又奇奇怪怪，悽慘愛情片喊唔出，天災人禍都麻麻地，但係一講親情野就容易喊到停唔到。
《東京教父》
今敏導演既卡通片不嬲都唔係俾小朋友睇嘅，呢部《東京教父》就講係一個聖誕夜， 3 位流浪漢意外執到一個被拋棄嘅 BB 女。對於呢個 BB女嘅去留， 3 個人各執一詞嘅同時，都勾起左佢地同家人之間嘅故事。節奏輕快，笑點同時夾雜住淚點。唔係爆喊之選，但就會默默流幾滴共鳴又感動嘅眼淚。
YOU MAY ALSO LIKE…
#FAI 明仔癖
《比海還深》一定係明仔我喊到癲之選！明仔鐘意呢套戲嘅程度係屋企貼滿晒啲海報。
《比海還深》
對於是枝裕和嘅戲，明仔都冇乜抵抗力，一定爆喊。仲記得當年第一次睇，都仲係大學生，對前途一片迷惘，對於戲入面嘅一個命題感受好深，就係「長大後要成為想成為的那種大人」，無論係想成為一個受仔仔尊敬嘅爸爸、定一個出色嘅作家，似乎都唔係想像中咁易，而往往好多人會同當年嗰個「我才不想變成像你一樣的大人」越嚟越似。
どうにもならない。
Comments