每年中秋明仔都會收到唔同品牌送嚟嘅月餅，日日都喺公司食月餅，再加埋應節同屋企人又食，咁食法真係好易食滯個人。要求解滯，明仔當然有佢嘅方法，又睇下大家認唔認同。
明仔有咩癖好？今個禮拜 PICK 咩好？
#ALEX 明仔癖
關於食滯呢回事，本身明仔係唔會俾呢件事發生，後生果時先會有較多嘅食滯次數出現，而家免得過都唔會食太多，特別月餅又唔係好好。但如果要消滯，明仔就會－躺平。
認真，明仔試過飲呢樣果樣消滯，我覺得都係無咩幫助，明明個肚已經塞滿野，仲要再加野落去解滯，真係得咩？所以明仔一路以來嘅做法都係躺平休息，唞到啲野都消化哂咪消滯囉，最好係瞓覺，瞓完又精神又唔滯！
YOU MAY ALSO LIKE…
#CHERIE 明仔癖
LUSH DEEP SLEEP BATH BOMB
以前好多人話食月餅食到肥晒，個人認為中秋節得個幾日，好難一下子就食得肥，所以唔好賴落中秋節度，不如坦白自己平時唔節制啦 >__<。 不過！如過你話過節後會口腫臉腫這是經常發生的事，皆因在高脂高鹽的大餐或捱夜開 PARTY 之後，體內鈉質升高，造成水分滯留，先會口腫臉腫咁樣。只要之後幾日吃多點蔬菜、盡量清淡為主，多喝水，浸下浴促進一下代謝就會消到水腫。如果想開心些少，仲可以加粒 LUSH DEEP SLEEP BATH BOMB，浸完先訓教，儀式感大增，唔瘦都開心，開心自然就好快瘦啦。
YOU MAY ALSO LIKE…
#EELY 明仔癖
普洱茶
食滯左好岩飲普洱茶，明仔平時飲茶時都會嗌普洱茶，因為飲茶時好多澱粉質糕點，好容易食濟，但係飲一飲普洱茶，感覺又可以食多兩件！除左消滯外，普洱茶仲有去油膩、消暑同解毒作用，實在好岩中秋節大餐後飲！
YOU MAY ALSO LIKE…
#FAI 明仔癖
玉米鬚茶
食滯了咪飲下茶囉！可以係 759 買玉米鬚茶。之前韓國興起飲玉米鬚茶消水腫的風潮。玉米鬚其實本身算係種中藥材，有抗發炎、安定血糖的作用，但在消水腫上就更有顯著效果，特別對於鹽分攝取過多而造成的水腫有瘦身效果，價格相宜，如果食得太飽，飲啖凍茶都幾梳扶。
Comments