成日流流長喺 OFFICE，有時口痕就好想搵 D 立雜嘢食，近排明仔迷上咗吱吱冰，消暑之餘仲勾起童年回憶，以前細個真係好多包裝怪怪但又好味嘅零食，食到成條脷變色嘅糖仲記唔記得？大家唔知又有咩懷舊零食好鍾意嘅呢？
明仔有咩癖好？今個禮拜 PICK 咩好？
#ALEX 明仔癖
丸川吹波珠
明仔細個好鍾意喺屋村士多買零食，5 毫子一串嘅沙爹魚串，仲有又係 5 毫子大大粒嘅日本糖。但最鍾意係吹波珠，細個同啲朋友仔就好鍾意夾份買丸川吹波珠，一盒有唔同款、唔同味，橙、提子同汽水味，雖然好快𡁻幾下就無味，幾粒加埋溝唔同味，又可以吹又大又圓嘅波，童年咁簡單就已經好開心。
YOU MAY ALSO LIKE…
#CHERIE 明仔癖
阿波羅提子味唧唧冰
唔知算唔算懷舊，細個除了好鍾意用兩蚊扭𠴱啲大大粒的香口珠出嚟狂嚼之外，仲幾鍾意食呢款阿波羅提子味唧唧冰，搵返資料先知依家已經轉了包裝，而我熟悉的呢款90年代的包裝已成為「阿波羅雪糕展」其中一款經典雪條，原來以前江欣燕係阿波羅代言人，而當時唧唧冰個廣告口號係「阿波羅唧唧冰，清甜解渴嘅奇冰」（呢個我就無聽過喇）。
YOU MAY ALSO LIKE…
#CURTIS 明仔癖
戒指糖
😈 <- THANOS。
YOU MAY ALSO LIKE…
#EELY 明仔癖
其實明仔我 PICK 嘅零食可能唔會太係大家嘅童年回憶，因為細個冇話經常食零食（所以宜家起勢咁食）。係咁努力回想緊細個食過咩零食，然後我就諗起呢個迷你可樂糖啦！
ORION
MINI COLA
可樂糖大家應該都食過好多款啦！明仔我最中意呢款有少少碳酸味，唔似其他可樂軟糖咁得個咬字。不過最重要係細細一罐好方便袋落袋，上堂都可以偷偷地放入口（？）
YOU MAY ALSO LIKE…
#FAI 明仔癖
四洲可樂吹波糖，一蚊可以買到2粒，但最緊要都唔係食，係玩。
四洲可樂吹波糖
明仔細細個已經覺得紋身好有型，吹波糖包裝入面附送嘅印水紙，好似出奇蛋啲玩具咁樣，而佢就正正滿足咗扮大人嘅癮。
Comments