周末狂想：明仔郊遊遊裝備

唔好以為明仔平時日日坐喺度打稿打到天昏地暗，平時又鍾意動漫打機毒 L 嘢，明仔都鍾意同陽光玩遊戲，間唔中仲會去郊遊遊，唔係美女果隻，所以明仔唔會著比堅尼，但會有專業裝備唔會整親。

#ALEX 明仔癖

SALOMON S/LAB CROSS BLACK LTD

有留意我 PICK 嘅讀者朋友都會知道，明仔要型唔要命，同最緊要係黑！今次明仔 PICK 嘅呢樣裝備實用又好睇，最重要係黑魂！講緊嘅係 SALOMON 嘅運動鞋。

可能係明仔識嘢少啦，其實 SALOMON 一直都存在，係近呢幾年多咗好多時裝人著，D 款又型咗，明仔先開始慢慢愛上，最鍾意佢係真係上山下海都得，我著嚟襯衫又可以，挑起條筋去行山落水都得，出 OUTDOOR 影嘢仲 PERFECT 池，愈諗愈正。

＃CURTIS 明仔癖

Tenga Pocket Hat

Tenga推出內藏紙巾的漁夫帽，方便郊遊時_ _ __。
(btw郊遊時請帶走所有垃圾，包括紙巾thx）

＃CHERIE 明仔癖

QUE BOTTLE

疫情之下效遊成為大家放假的重點活動之一，但天時暑熱，唔帶水就驚去到山旮旯買唔到會渴死，帶水又驚阻掟，所以我推介這個 QUE 伸縮水壺，可為手袋大大節省空間。QUE BOTTLE 的產品概念是因為設計師觀察到人們之所以會頻繁買樽裝水，主要是因為可重複使用的水壺太笨重而且不利於戶外活動，而這個以食品級矽膠製成的 QUE BOTTLE 瓶身採螺旋設計，使用者可輕鬆將佢伸展開，凹凸紋路亦方便飲用時掌握，雙手一推又可縮返小巧的 SIZE，可愛實用而且相當環保。

＃EELY 明仔癖

THERMACELL PORTABLE MOSQUITO REPELLER MR300

講起郊遊裝備呢個主題，宅女明仔我真係冇咩立場可以講野，所以決定出貓，尋求場外支援！然後就有左呢個由明仔捐血者誠意推薦俾我嘅戶外驅蚊機！天氣一熱，係戶外就一定要防各類蚊螆， THERMACELL 防蚊防蠓機裏面有一張天然蚊片，只要帶住就可以覆蓋到 20 平方米範圍內既蚊螆。而且尺寸勁小巧，冇一般驅蚊水嘅臭味，就甘袋係背囊就可以啦！

＃FAI 明仔 PICK

THE NORTH FACE BABY HAT & TOWEL SET

闊邊帽！近排天氣好熱，直情曬多一陣隨時會曬傷嗰種，如果呢啲天氣郊游，真係弊！戴返頂帽都叫遮下塊面。

夏天嚟講，襯衫一件起兩件止，不妨用多少少鮮艷嘅配飾，提升層次感。近年THE NORTH FACE 漁夫帽都已經係潮人基本配置，但明仔我又有少少唔同睇法啵。同樣係 THE NORTH FACE，呢款據網稱嘅 BABY HAT 有幾款鮮艷嘅顏色，明仔都十分鐘意，帽本身係毛巾質料，相信應該非常通爽，仲一套連同一塊毛巾出售。成件事就會平衡到戶外感，又唔會太做作（但會影相上IG）。