天氣開始轉涼，溫馨提示各位，記得拎定啲冷衫出嚟除毛粒。正如靚女都要排洩，再名貴的冷衫，一樣會起毛粒。所以有時也寧願買 U 記。平平地著一季，一起毛粒就掉，不失合理的做法。
不過，在茫茫衣海當中，總會有一兩件價錢不算便宜，但令你那些年一見鍾情，往後又越著越有感情的舊冷衫。對於這些舊愛，老實講，多多毛粒都唔捨得掉。
「點解有毛粒就等於唔靚？」曾幾何時，懶惰的佬編為自己編了這個籍口，抱著要重新定義美感的態度，將成身毛粒的冷衫就咁著上身。還懶 CHILL 襯條闊腳西褲，自以為一副 TOO COOL TO CARE 的形象。
可惜，一去到光線充足的地方，便看到鏡中自己身上的冷衫，就像褪色的窗簾一樣，又殘又舊，變成了 TOO SIMPLE TOO NAIVE 。如果有人能夠 CARRY 到一件起晒毛粒的冷衫的話，請連同照片 PM 佬訊，佬編也想學下嘢。
而經過那次之後，每年入秋之際，都會預早打開最底層的那一格櫃桶，將冷衫拿出來，清一清毛粒，方便隨時穿著。
冷衫之所以起毛粒，是因為毛冷表面的毛線斷裂成幼毛，然後在陰差陽錯之下，與旁邊的幼毛纏成一團，最後像滾雪球般，越纏越大，形成毛粒。
坊間很多去毛粒的產品及方法，原理不外乎兩種：扯斷或剪斷。去毛粒梳、去毛粒石、用手逐粒摵，甚至有人教用洗碗百潔布，目的都是「扯斷」形成毛粒的紗團。至於去毛粒剷、用鉸剪慢慢剪，甚至剃鬚刀，就是以剪斷的方法去除毛粒。
道理上，額外的拉扯對冷衫本身會造成二次傷害，所以以剪斷的方式除毛粒，應該對衣物較好。但老實說，其實佬編自己都 DON’T GIVE A DAMN 。有時個除毛粒機無晒電，咪就咁拎個指甲挫輕輕磨走佢囉。無論是黑貓白貓，捉到老鼠就是好貓；没有毛粒的冷衫，先至稱得上是 GOOD SWEATER 。
RELATED ARTICLES:
Comments